Chinese novelist lar mahni intihlumin boral
Chinese romance novelist lar tak Chiung Yao chu mahni intihlumin a boral niin China tualchhung media te chuan an sawi.
Kum 86 mi ruang hi nilaini khan New Taipei City-a a chenna inah hmuh a ni a, emergency service te chuan mahni intihlum ngei a ni tih sawiin, a thihna chungchangah hian midang inrawlh an awm lo niin an sawi bawk.
Chiung Yao hi kum 18 mi lek a nih lai atanga thuziak tan niin, novel 60 chuang a tichhuak tawh a, heng zinga tam tak hi movie leh TV series a siam a ni hlawm tawh a ni.
A facebook thu post hnuhnung berah chuan, ‘Ka hmangaih te u, mangtha u. Nunah hian kan intawng a, ka hre thei che u hi vannei leh nihlawh ka inti hle,’ tih a ziak a. Hei hi a thih dawna a post nge, a hma lama a lo ziah lawk tawh tih erawh hriat a ni lo thung.
Chinese novelist lar mahni intihlumin boral
