Warner Bros. documentary film siam ‘Chris Brown: A History of Violence’ an tihchhuah hnuah Chris Brown chuan he documentary film hi amah tihhmingchhiatna nia ngaiin, intihhmingchhiat man dollar maktaduai 500 chawi tir tumin court lamah a kal ta rup mai.
He documentary film hi nikum tawp lama tlangzarh tawh kha niin, Brown hian January ni 21 khan Los Angeles Superior Court-ah Ample LLC, Warner Bros. lehInvestigatiuon Discovery film production a inhnamhnawih producer te lakah defamating case hi a siam ta a ni.
Court-a a thu theh luhah chuan Brown hian film siamtute chuan til dik lo tam tak ti angin an lantir niin a tarlang a, zahmawh rawngkaia midang chunga hleilenna thlentir bakah evidence tichhia anga an puhna te chu tu dik lo, mipui ngaihdan hruai kawi thei niin a tarlang a nih thu te pawh film siamtute hi a hriat lawk tir vek chung pawhin an tichhuak lui ta tho niin a tarlang.
Hetianga Brown-a’n thubuai a theh luh takah chuan Investigation Discovery thupuangtu chuan an thil tihah an dinngheh thu leh a, he lawsuit hi an theihna zawng zawng a beih let an tum thu a puang ve nghal bawk.
Chris Brown-a’n $500M chawi turin Warner Bros. a khing
