Captain America pawhin nupui a nei ta. Chris Evans leh Alba Baptista te chu tun weekend kalta khan Boston, Massachusetts-ah an inkutsuih ta.
Captain America lema chang thin, Hollywood star Chris Evans, kum 43, leh Alba, kum 26, te hi mimal inah inkutsuihin, an thiantha leh chhungkat laina hnai te hmaah inneih thutiam an chham a, Marvel superhero film a Iron Man lema chang thin Robert Downey Jr., Thor lema chang thin Chris Hemsworth leh Jeremy Renner te pawhin an tel pui a ni.
Alba Baptista pawh hi lemchan lama hming chher tho niin, Netflix series ‘Warrior Nun’-ah a chang a, an pahnih hian an inhual thu an puangzar hmasa lem lo va, kum khat vel an inzui hnuah an ti deuh thut mai a ni.
Chris leh Alba te hi nikum November vel khan an chanchin a thang tan a, New Yprk City khawlaiah an teihawi dun lai an lo hmu fuh a, tichuan, kumin January thla khan an inzui tih an puangin, Instagram-ah an pahniha an in-prank lai video an post a, chuta tang chuan a khat mawi tawkin an chhuak dun ta deuh fo mai a ni.
Chris Evans leh Alba Baptista innei
