Cincinnati Open-ah Venus eng a chuai

Kum li chhunga top 20 player a hneh vawikhat-naah American veteran Venus Williams chuan Thawhtanni khan Veronika Kudermetova paltlangin Cincinnati Open second round a lut a, kum 2019 hnu lama WTA Tour match hnih chak zawn a tumna puitlin zo loin Nilaini khan world number 24 Zheng Qinwen lakah a tlawm zui leh ta mai a ni.
Kum 43-a upa ni tawh Ve-nus hi Chinese player kum 20 mi Zheng lakah 1-6 6-2 6-1-in a tlawm a; kha mi ni tak khan US Open khel hnem ber record a kawl mek belhchhah tura kumin New York tourna-ment khel tura wilcard a dawn leh ni tak niin, hard-court grand slam-ah hian a tum 24-na atan kuminah a inlan leh dawn.
Chumi atana inbuatsaih-na kal mekah second round a lut zo lo a, mahse, grand slam singles title pasarih la tling tawh American mihang nula senior hian Flushing Mea-dows-ah kumin hian US Open title pathum lak tlin tumin a inlan dawn.
Kum 1997 daih tawh khan Williams upa zawk hian Flushing Meadows-ah main-draw debut nghakchhuakin, kum 2000 leh 2001 khan a champion a; kumin hian a vawithumna atan trophy a hawn zo lo a nih pawhin Open era an tih huna he tournament singles match khel hnem ber record a kawl mek tal chu a belhchhah thei ang.
Kum 20 mi Chinese Zheng hian Western and Southern Open third round lamah top seed Iga Swiatek a tum thung dawn a ni.
Polish world number one Swiatek hian New York grand slam title a kawl lai humhim tura inbuatsaihna a kalpui mekah Nilaini khan 6-1 6-0-in American wildcard Danielle Collins a hneh a, kum 21 mi hian a hnehna sualchhuah chuan inrintawkna a pekbelh tih a sawi.
Inkhel dangah American world number three Jessica Pegula pawhin Italy nula Martina Trevisan lakah 6-7 (2-7) 6-2 6-3 hnehna a chang hram a, karliamta maia Canadian Open title latu third seed hian North America-ah a chetthat harsa takin a round hmasaber a paltlang phawt a ni.
Wimbledon champion Mar-keta Vondrousova of the Czech Republic pawhin 6-4 6-2-a Russian Anastasia Popatova hnehin, Russian 14th seed Daria Kasatkina pawh France player Varvara Gracheva laka chakin last 16 lut zingah a inhlangkai ve bawk.
Greek eighth seed Maria Sakkari pawhin tlawm a pumpelh hram a, Romanian Sorana Cirstea laka set khatna a hloh zet hnuah 2-6 6-3 7-5 hnehna a changlet.
Belarusian second seed Aryna Sabalenka pawh American qualifier Ann Li lakah 7-5, 2-6, 6-4-in a chak a, Russian world no 192 Da-ria Kasatkina a su leh ang.
Fourth seed Elena Ry-bakina pawhin round of 16 lut turin set khatnaah in-khel hautak a paltlang thei hram a, Jelena Ostapenko laka 6-7(6), 6-2, 6-4 hnehna nen quarter-final luh inchuh pakhatah Italy player Jas-mine Paolini a tum leh dawn a ni.
Nilaini inkhel dangah American seeded seventh Coco Gauff chuan Egyptian Mayar Sherif lakah 6-2, 6-2 hnehna awlsam a chang a; Wimbledon champion Mar-keta Vondrousova pawhin 6-4, 6-2-a Anastasia Potapova hnehin, Varvara Gracheva lakah Kasatkina chuan 6-3, 6-1 hnehna a lawm ve bawk.
Kumin US Open hi tun August ni 28 atanga khelh tan tur niin, season khat chhunga grand slam tournament hnuhnungberah hian vawihnih champion tawh Caroline Wozniacki pawh kan hmu leh dawn a; kum 2020-a tennis khelh a chawlhsan hnuah khelmual lut lehin, tunthlatir lama WTA Tour-a akirleh hnua a tournament hma-chhawn pathumna tur a ni.