Lok Sabha chuan July 31, 2023 khan Cinematograph (Amendment) Bill, 2023 chu Rajya Sabha in a pawm fel hnuah a pawm fel ve leh ta a.
He bill hi cinema chhunga movies te lo record ru te hremtheihna tur a ni a. Hei mai bakah hian mipuite en theih tura film enfiah tu Central Board of Film Certification (CBFC) tena age rating an siam a tilian bawk a. Mahse, CBFC censorship power erawh pek zui zelin a awm thung.
Tun hnaiah CBFC functioning \henkhatte laksakin an awm tawh a. Entirnan sorkar in revisional power a neih te chu kum 1991 khan Suprem Court judgement hmangin Cinematograph Act, 1952 hmangin chhuhsakin a awm tawh a.
Kum 2019 bill erawh film industry ten an sawisel nasat em avangin Ministry of Information and Broadcasting chuan film’s certificatoion pek dan laletin CBFC te review turin a dah a ni.
Tun Bill hian tun hnaia thil tih leh kalpui \hin dan \henkhatte nemnghetin chung zingah chuan puitling te tan chauha en theih A rating te ang chu a pawm fel bawk a. TV programme te chu CBFC in a censor a ngai lo chungin court thutlukna angin TV ah chuan A rated chu kum 2007 a\ang khan chhuah remtih tawh loh a ni bawk.
CBFC censorsip power erawh he Bill hiana khwih danglam lo thung a. Kum 2017 daih tawh khan I&B Ministry kaihhruainaa Committee of Expert veteran filmaker Shyam Benegal kaihhruai chuan CBFC chuan movie cut lovina tih tur chu a maturity content enfiah a ni a lo ti tawh thung.
Anurag Thakur, Minister of Information and Broadcasting chuan bill a anti-piracy provision chu film industry te hlawkna thlentu tur tiin a sawi.
Cinematograph Bill pawm fel ta
