Citroen India chuan an brand ambassador atan Mahendra Singh Dhoni an hmang thar a, hemi pual hian an car hralh kal tak mai C3 Aircross chu special edition C3 Aircross 7 Dhoni an tlangzarh a, showroom-ah Rs 11,82,000 man a ni. He special edition hi 100 chiah an siam chhuak dawn a, a kawngkharah graphics danglam bik neiin, feature tar an dah belh bawk.
A pawnlam lan danah ‘Dhoni Edition’ tih hmalam kawngkharah lian tha taka inziak a neia, a hnunglam kawngkhat leh bonnet-ah ‘7’ tih nalh taka inziak a awm bawk. Thildangah chuan a a landana danglamna a nei lutuk lo. A chhunglamah seat cover thar, ‘Dhoni Edition’ branded cushion, seat belt cushion leh door sill plate a nei a, dash cam a nei thar bawk. Company lam chuan he car leitute chuan a glovebox-ah thil eng emaw tak dawn tel tur an dah niin an sawi a, a vannei zual chuan Dhoni hming ziak hnan wicketkeeping glove an dawng tel dawn bawk a ni.
He special edition C3 Aircross hi a top-spec C3 Aircross Max based a ni a, blue paint scheme chiah a awm a, 5+2 seater a ni bawk. A mechanical-ah tihdanglam a awm lo va, 1.2-litre turbo-petrol engine neiin, six-speed manual leh 6-speed automatic gearbox-ah duhthlan tur a awm.
Citroen C3 Aircross 7 Dhoni Edition
