City-ah Walker a rinawm
England defender Kyle Walker chuan Manchester City-ah rinawmna thu a tiam thar leh a, Eithad Stadium-ah kum 2026 thleng cham turin contract thar a ziak.
Manchester City hian kum 2017 khan Tottenham in atangin Walker hi £45m sengin an la lut a, a manah £45m an seng. An lak luh tirh atangin an player pawimawh a ni nghal. An player pawimawh ni chho deuh ngar ngar mah se 2022-23 season-ah khan manager Pep Guardiola chuan defensive tactic thar a nei a, Walker hian hmun pawimawh a chang phak lo. Khelhna hmun a chan tam theih loh vangin nipui bazar inhawn lai khan Brayen Munich in lak an tum a, German champion hi a zawm hman teuh hle. Bayern Munich nen sawi zawm an nih reng laiin City-ah hmun chan tuma beih a thlang a, a cham chhun-zawm. Season thar tan tirhte-ah contract thar a ziak zui leh ta a ni.
England tan vawi 78 khel tawh Walker hian Manchester City tan inelna hrang hrang ah vawi 250 chuang zet a khel tawh a goal ruk a thun tawh a. City hi trophy 13 ngawt a lak-pui tawh.
Manchester City-ah manager tha tak enkawl na hnuaia player tha tak takte nen an khel tlang thei chu nuam a tih thu leh team ropui City-ah cham chhun-zawm tura contract thar ziah chu atana tha ber a nih thu kum 33 mi Kyle Walker-a’n a sawi.
City-ah Walker a rinawm
