CM-in Dawki Land Port tlawh
Meghalaya-a cham mek chief minister Lalduhoma chuan Nilaini khan Dawki Land Port, West Jaintia Hills district ami a tlawh a, he hmuna thawktute nen an inkawm.
Dawki Land Port hi India leh Bangladesh ram insumdawn tawnna hmunpui a nih bakah ram pahnih mipui dan ang thlapa an inkalpawhna hmun a ni a. Land Port chhungah hian integrated check post, cargo terminal, warehouse building, weighbridge, passenger terminal building, canteen facility, medical facility, Forex counter, duty free shop leh parking area a awm a. Land Ports Authority of India hnuaia din niin, kum 2023 khan hawn a ni.
Chief minister hi Land Ports Authority of India regional administrator TC Chacko bakah ICP Dawki chief immigration officer PS Tombing, Customs addl commissioner Lalhmingmawia IRS, Customs joint commissioner Eric C Lallawmpuia IRS, 4 Bn BSF second in command NV Siam bakah SDM Anendya Rajshree, IAS ten an lo dawngsawng.
CM-in Dawki Land Port tlawh
