CM intiam angin CSS thawkte dahnghet turin sawrkar ngensak
Tuna chief minister ni ta Lalduhoma hian MLA inthlanpui hma khan CSS hnathawkte dah ngheh a lo tiam tawh angin a tah tawla dah nghahe turin an ngensak tih MNF hruaitu Er K Lalsawmvela chuan a sawi.
Thawhtannia Mizo Hnam Run-a inkhawmah MNF general secretary Er K Lalsawmvela chuan, CSS hnathawk mek, sawrkar kutke pawimawh tak tak mi 15000 vel hi chief minister hian inthlanpui hmaa dah ngheh a lo tiam tawh laiin, a CM hnuah dan loa lak, tiin, a puh ta thung tih a sawi. Chutih lai chuan, lak an nih dan inang vek siin mi 31 chu chu 2025 July 15 khan an puala Departmental Promotion Committee siamchawp chu an thu a, lak an ni ta tih a sawi a ni.
“He thil hi tuna nuar mekte lung ti awilo zualtu a ni. Mizoram sawrkar hian harsatna tawk zawng zawng pualin, state dangte tih dan enin, a tahtawl tala mamawh phuhruk sak thuai turin kan ngen a ni,” a ti.
CSS hnathawk harsatna tawk mekte tan hian MNF sawrkar liam ta khan theihtawp a chhuah a, an harsatna sutkiannan kum 10 thawk tawh chin, qualified chinte dah nghehna tur regularisation scheme a peih hman a, MLA inthlanin a nanchin tak avangin a tawp a thleng hman ta lo tih MNF hruaitu hian a sawi a ni.
Chu scheme duan hmang chuan ‘The GOM Regularisation of CSS Employees Scheme 2024’ chu 2025 June 18 khan a chhuak ta a. Mah se, ZPM sawrkar chuan thawk mekte zinga thliar bikna tur check list 12 a siam hnan a, harsatna namenlo an tawh phah ta tih a sawi
Zirlai sang tam tak scholarship tur central-in a pe fel vek tawh nia lang, kum hnih vel a hrensak mek pawh ZPM sawrkarin a rang thei ang berin pe thuai se a duh tih Er K Lalsawmvela hian a sawi bawk.
CM intiam angin CSS thawkte dahnghet turin sawrkar ngensak
