Khawzawl chief medical officer (CMO) office building thar chu Zirtawpni khan deputy chief minister Tawnluia’n a hawng.
CMO building tha tak neih theih nana hma latu Health minister Dr R Lalthangliana leh a thawhpuite chungah deputy chief minister hian lawmthu sawiin, Khawzawl district hmasawnna chu district leh Tuichang bial mipui thawhhona rah a ni tih a sawi. District thar pathum – Khawzawl, Hnahthial leh Saitual damdawi in chu District Hospital puitling anga an function theih nan post siambelh leh awmsa hlankai a tul tih sawiin, hemi kawngah hian a department chan pakhat DP&AR chuan hma a la mek zel tih a sawi a ni.
Khawzawl CMO building hi cheng nuai 418 senga Lushai Engineers-in a sak a ni a, Zopa chhiara chhawng li a ni.
CMO office hawng
