CMRF diltu hnenah hlan
Chief minister Lalduhoma chuan Chief Minister Relief Fund tanpuina diltu Roslyn Kimbuang hnenah Thawhtanni khan CMRF cheng nuai khat a hlan.
Manipur-a hnuchham naupang a enkawl lai mi 24, Manipur buaina avanga an sahimna zawnga Mizorama rawn tlanpuitu Roslyn Kimbuang hi Mizoram sawrkarin Berawtlang Tourism Convention Centre-ah a awmtir a. Naupangte hian an hnaivai sikulah zirna an chhunzawm mek.
Zo Inspiration Foundation-in an lo puih tawh thu Roslyn Kimbuang hian chief minister a hrilh a. Chu bak chu a tlachawpin naupangte ei leh in tur a thiam ang anga a dap thin thu a sawi. CMR Fund thahnem tak a pek avangin chief minister chungah hian a lawm hle tih a sawi a ni.
CMRF diltu hnenah hlan
