Cocoon MT 600 chuang thar

Cocoon MT 600 chuang thar
Sawrkar kum kal mekah Mizoram-in cocoon metric ton 612.27 a tharchhuak.
Thawhlehnia finance changtu chief minister-in budget a pharhnaah cocoon tharchhuah zat hi a sawi a. Heng cocoon thar hi a hralhna tur ruahmanna fel tak awmsa a nih bakah a man pawh kumin January 1 atang khan kum hmasa aiin zaa 16-in a pung tih a sawi.
Cocoon tharchhuah atanga metric ton 17.97 chu state pawna thawnchhuah a ni, tiin, “Hei hi pangang khawia eizawnna kawngah hmasawnna pawimawh tak a ni,” a ti.
Sericulture department hnuaiah Silk Samagra-2 lama hmalakna turin acre 1300 chu sericulture food plant atan siam belh a nih thu chief minister hian a sawi bawk.