British group Coldplay chuan ‘Music of the Spheres World Tour’ an neih mekah ticket maktaduai 8 chuang hralh tawhin, dollar maktaduai 945 an hmuchhuak tawh bawk a, rock music history-ah rock group tour nei tawhah chuan sum hmuchhuak hnem leh ticket hralh tam ber an la ni a ‘Biggest Rock Tour of All Time’-ah an puang.
Coldplay hian a tum thum nan European leg an la kalpui mek a, Asia, North leh South America te pawh an hrut tawh a, tunah hian Australia leh New Zealand te pawh an la hmabak a ni. ‘Music of the Spheres World Tour’ hi nikum hmasa March thla atanga an tan kha a ni a, ticket maktaduai 8.8 hralh tawhin, tour atanga an sum hmuh hi dollar maktaduai 945.7 a tling tawh bawk a, Billboard Boxscore-in kum 40 chhungin concert data a lo chhinchhiah tawh chinah rock group zinga tour atanga sum la lut hnem ber an nih bakah ticket hralh hnem ber an ni bawk.
A hmaa he record siamtu chu Elton John ‘Farewell Yellow Brick Rioad Tour’ niin, Elton hian he tour atanga a sum hmuh dollar maktaduai 939.1 niin, 2018 atanga 2023 thleng tour hi a nei a, chumi hma leha record siamtu chu U2 ‘U2 360 Tour’ niin, 2009-11 khan he tour atang hian dollar maktaduai 736.4 an la lut thei ve thung.
Coldplay-in rock tour record an siam
