Site icon The Aizawl Post

College leh UPHC dinhmun enpui

College leh UPHC dinhmun enpui
Sawkar hmalakna leh hmachhawp tlawh leh zirchianga Champhaia cham mek minister TJ Lalnuntluanga chuan Thawhlehni khan Govt. Champhai College tlawhin thawktute chu college hmasawnna atana pawimawhte sawipuiin hmalak tulte a enfiah.
Minister chuan Govt. Champhai College tih hmasawn leh tih changtlun kawngah sawrkarin theihtawp chhuah zel a tum tih a sawi a. College zirtirtu leh non-teaching staff indaihlohna phuhru turin sawrkarin hma a lak mek thu leh theihtawp chhuaha nawr zui a tum thu a sawi.
Ministry of Minority Affairs kaltlanga Chhangphut Field lam dep kopang, breast wall remna tur bawhzui tum a nih thu leh PMJVK kaltlanga Examination Hall ruahman tura hma lak mek a nih thu a sawi bawk.Chhangphut Field leh College inkara breast wall rem dan turte pawh enfiah a ni a. Exam Hall, Botanical Graden bakah RUSA hnuaia Commerce building sak tharte enho nghal a ni a. Hmalak tul leh mamawhte sawiho zelin, theihtawp chhuaha hma lak zui a nih tur thu TJ Lalnuntluanga hian a sawi a ni.
Champhai South bialtu MLA ni bawk TJ Lalnuntluanga hian Thawhtanni vek khan Urban Primary Health Champhai Vengthar ami chu tlawhin hmalakna a enfiah a, oxygen concentrator a hlan nghal. PHC mamawh hrang hrang an lo thlen chu theihtawp chhuaha hma lakpui a tum thu sawiin, a hmunhma tih changtlun dan turah karleh Nilaini hian inrawnkhawm nise, an ti.

Exit mobile version