Miss Mizoram 2026 thlan turah Aizawl khawpui chhunga college pariat atangin College Miss te audition-a inlan ngai lovin, final round lut nghal turin an tel dawn a, photo session an neih hnuah Thawhtanni zan khan Miss Mizoram Instagram account-ah an thlalak dah chhuah a ni ta.
College Miss te hi Miss Mizoram 2026-ah hian audition-a inlan ngai lovin, direct entry pek an ni a, final round atangin an inlan nghal thei dawn a ni. Miss Mizoram thlanna hi March ni 4 atangin tan a ni dawn a, April ni 24, 2026-ah R Dengthuama Hall-ah grand finale neih tura ruahman a ni.
Miss Mizoram 2026-a College Miss tel tur te chu- Govt. Hrangbana College atangin Rengpuii Sailo, Pachhunga University College atangin Saitluangpuii Sailo, Govt. Aizawl College atangin Baby Remruatsangi, Govt. Aizawl West College atangin Lalrinfeli, Govt. Aizawl North College atangin Vanlalremruatpuii, Govt. T- Romana College atangin Lallawmawmi, Govt. Zirtiri Residential Science College atangin Lalrinhlui leh Govt. Johnson College atangin Lalthanzuali te an ni.
College Miss te Miss Mizoram 2026-ah audition ngai lovin tel dawn
