Commissioner-in H&TE thawktute
zirtirtu hmakhua thlir turin a chah
Ramin a mamawh chu zirtirtu tha a ni a, zirtirtu tha nei tur chuan anmahni enkawltu department-in an hmakhua thlir thiam pui a, an tan theihtawp chhuah a ngai tih Higher & Technical Education commissioner & secretary H Lalengmawia chuan a sawi.
H&TE hotu hian Nilaini khan Higher & Technical Education Directorate tlawhin thawktute hriat tur pawimawh sawiin a fuih. “Kan ramin a mamawh em em chu zirtirtu tha a ni a, zirtirtu tha nei tur chuan a enkawltu department-in zirtirtute hmakhua thlir thiam a ngai a, an tan theihtawp chhuaha thawh a tul,” a ti. Anmahni dawrtute ngaihsak turin a chah bawk.
Mi inang lo tak tak ni mah se, inhrethiam tawna inngaihsak tlang turin staff-te a fuih a. An hna theuh tikhawtlai loa midang harsatna sutkian tuma thawk turin H Lalengmawia hian a chah. Mipui tana awm an nih angin, anmahni dawrtute theihtawp chhuaha tanpui thin turin a fuih. A bikin promotion chungchangah tun aia chak zawka hna a kal theihnan tan la tlang turin a sawm a ni.
Commissioner & secretary hi joint secretary K.Lalhmangaihzuala leh under secretary Zahmingliana ten an tawiawm a. Director Dr Lalthansangi Fanai hoin dirrectorate-a thawktute hian an lo dawngsawng a ni.
Commissioner-in H&TE thawktute zirtirtu hmakhua thlir turin a chah
