Tun karah an tifel mai dawn emaw tih laiin Con
gress party-in rin aiin an peih har a, thil inthial a la awm mek.
Thu dawn danin, fel tawha ngaih Hrangturzo bial a fel lo leh rih a, he biala ding tur hi an tifel thei rih lo. Ding awma ngaih pahnih an awm a, anni pahnih karah hian duh an thlang fel thei rih lo nia hriat a ni.
|awi biala ding tur an la tifel lo a, he biala ding tura ngaih, ngaihchan mek an nei tih thu dawn a ni.
East Tuipui, Aizawl West III leh Mamit te an la tifel lo a, Mamit bial hi ding tura ngaih nia lang an awm nual.
La chiang lo dang chu Tuichang bial a ni; PC leh ZNP te nen Congress party hian Mizoram Secular Alliance an din a, heta an thawhpui PC president chu Tuichanga ding tura ngaih a nih laiin, Congress party hian he bialah hian candidate tur an nei mai thei nia hriat a ni.
PC lam leh Congress party atanga thu dawn danin, Mizoram Secular Alliance hi inthlana tangho tur tihna a ni hran lo a, ‘electoral alliance’ atana din a nih loh thu an sawi ve ve. Chutih rual chuan inthlana tangho thei tur pawh an ni tho tih an sawi bawk.
“Kan din danah hian inthlana tanho lam kan la sawi thleng lo hrim hrim a, chu chu kan sawi thleng dawn em tih pawh hriat a ni lo,” PC party president Vanlalruata chuan a ti.
Congress president Lalsawta dinna tur a chiang tawhah ngaih a ni a, ani hi Aizawl South I-a ding tura ngaih a ni. Thil a la danglam thei tih erawh sawi a awm.
Nilaini-a an lawmluh R Lalbiakthanga leh PC Lalhmingthanga te chu Aizawl West I leh Aizawl East II-a ding tur an ni.
Congress party-in candidate tur la tifel lo
