Congress tena Huma Adani ke Hain Kaun (HAHK) series an kalpui mekah Narendra Modi sorkar chu Adani Group te hnena ram pum foodgrain logistics hlan vek tumah an puh.
HAKH series a thuchhuah 25 siamnaah Congress communication chief Jairam Ramesh chuan BJP sorkar thil tum chu hun rei lo te chhung atan loneitu lungawi loten tibahlahin farm law pathumte hnuhkirin an awm phah a ti bawk a.
“A damlai ngeia ama hming chawi stadium sak ngeia kal kual laia Hum Adani ke Hain Kaun hmanga zawhna tam tak zawh hi a hun a ni,” tiin Ramesh chuan, Prime Minister Narendra Modi leh Australian prime minister Anthon Albanese an Narendra Modi stadium, Ahmedabad a India leh Australia fourth test an neih hma lawka an kal kual chungchang a sawi a.
“AdaniWatch publication te chuan October 13, 2022 khan Supreme Court of India chuan June 30, 3031 a Gujarat High Court thutlukna siamin Central Warehousing Corporation (CWC) aia Adani Ports leh SEZ te a thlanna a ngaihtuahah High Court thutlukna chu ‘dan nena inmil lo’ tiin a sawi a. He corporation CWC hi kum 1957 daih tawh khan India food storage mamawh phuhruk nana din niin kum 2021-22 khan food grains 55 lakh tonnes chhek khawmna a ni,” tiin Ramesh chuan a sawi a.
“Supreme Court chuan Ministry of Consumer Affairs, Food and Public Distribution te chuan CWC dinna an thlawp a, Ministry of Commerce and Industry chuan Adani Group te chu Mundra port bula CWC warehouse chu enkawl hna la se an duh zawk a ni,” tiin a sawi a.
Court thutlukna chuan Union of India hnuaia ngaihdan inang lo pahnih awm chu a fuh lo tiin ”Union of India hnuaia department pahnih te chuan ngaihdan inang lo an neih a rem lo a ti a ni tiin a sawi.
Congress leader chuan eng vangin gne Commerce Ministry, Nirmala Sirtharaman kaihhruai chuan strategic public-sector corporation kalh zawnga chetlaa Prime Minister ‘duhsak uchuak business group’ te a thlawp tiin zawhna a siam a.
Ramesh chuan ‘he Adani kaihhnawiha inter-ministarial conflict’ hi May 2019 a Minister of Commerce and Industry leh Minister of Consumer Affairs, Food and Public Distribution (October 2020). Piyush Goyal an a chan hnuah pawh a kal chhunzawm zel a ti bawk a.
“Ram pumin farm law pathum hmangin India agricutural logistics chu Prime Minster thian hnai crony te hnenah pek vek tum a ni tih an hria a ni,” tiin Ramesh chuan a sawi bawk a.
“Farm law te kha kaltlangpui ni se chuan a hlawkna tel ber tur chu Adani Agri Logistics te niin Food Corporation of India-a contract lian ber ber changtute an ni a. Tun hnai lawkah pawh Uttar Pradesh leh Bihar a 3.5 lakh metric tonnes storage siam hna an hmu a ni,” a ti bawk.
Hei mai bakah hian Adani farm-Pik te chu Himachal Pradesh-a apple procuremnet monopoly tluk thawthanga kalpui tura thlan an ni a ti bawk a.
Congress leader chuan India public sector te, tun hnai kum 70 chhunga a tahtawla nghet taka din chhoh te chu Prime Minister sumdawng thian te tihlawmna hmanruaah hman a ni ta mai mai, tiin a sawi bawk.
Congress ten Adani Group hnena ram pum foodgrain logistics hlan vek tumah sorkar puh
![](https://theaizawlpost.org/wp-content/uploads/tap_logo-min-large.jpg)