Union Budget 2023-24 chu ‘ngaizam’ tia sawiin Indians tam ber te phatsantu tiin Finance Minister hlui P. Chidambaram chuan a sawi.
Congress chief Mallikarjun Kharge chuan Twitter kaltlangin Budget chu ‘big announcement beisei pha si lo’ tia sawiin BJP sorkar chu mi pangngaite nun tiharsa zualtu a ti bawk.
Union government in Amrit Kaal theme a an neih chu kaihher sakin party chief hlui Rahul Gandhi chuan Budget chu ‘friend’s era’ tihsakin India future tana roadmap nei lo a ti bawk.
All India Congress Committee (AICC) headquarters a press conference a neihah Chidambaram chuan Budget chuan ‘mipui nun, dam khawchhuahna leh mihau leh rethei te inkar zau zelah sorkar a inrawlh loh zia pholanna’ tiin a sawi.
Chidambaram chuan tax regime thar thlangtu mi tlemte tan tih loh chuan budget chuan tax tihhniam a nei lo a ti bawk a. Tax regime thar chu default option a dahin sorkar chuan ordinary tax payers te social security beitham tak chu a chhuhsak a ni a ti bawk.
“Sorkar tum ber chu tax exemption nuaibo a ni a. Tax exemption hmangin middle class te hnenah social security thenkhat pek a ni a. Tax exemption hi nuaibo vek a nih chuan mechanism dang tax payers tena social security an neih theihna tur a awm a ngai a ni” tiin Chidambaram chuan a sawi bawk.
“He Budget hi tu in nge hlawkpui ang? Mirethei chu an ni dawn hauh lo. |halai hnazawng lai pawh an ni dawn lo, hna atanga chawlhtir te pawh an ni dawn lo, taxpayer tam ber te pawh an ni dawn lo, homemaker te pawh an ni dawn lo va, Indians intluktlan lohna nasa avanga mak ti te pawh an ni dawn lo va. Hlawkna tel ber turte chu billionaire ho population atanga 1% vel te chauhin an hlawkpui ang” tiin Finance Minister hlui chuan a sawi bawk.
Cogress leader chuan indirect tax tihhniam a ni lo va GST tihhniam a ni lo bawk a. Petrol, diesel, cement, fertilizer man te leh surchagre leh cess te tihhniam a ni lo bawk a ti bawk a.
Economic Survey in khawvelin harsatna atawk dawn a tichungin Budget chuan chu mi chhanletna tura ruahmanna engmah siam a nei lo. “Budget speech berah pawh khawvelin haratna a tawh tur thu sawina emaw sawi lan a ni lo va, sorkar hi a suangtuahna khawvelah a cheng mek a ni” tiin a sawi bawk.
Chidambaram chuan thil pathumin khawvel a tuam mek a ti a. Kum 2023 ah global trade leh growth nasa takin a tlahniam dawn a, advanced economy ten recession an tawng a, Ukraine indona leh buaina dangin global security dinhmun chu a tiderthawng mek a ti a ti bawk a.
“Heng thil pathum te hi nasa taka a thleng a nih chuan sorkar in eng nge a tih ang? Inflation leh unemployment avanga tuar nasa tawh mipui ten eng phurrit nge an neih belh ang? Economic Survey emaw Budget speech ah a chhanna tarlan a ni reng reng lo” tiin Chidambaram chuan a sawi bawk.
Congress general secretary Jairam Ramesh pawhin, “Nikum budget kha agriculture, health, education, MGNREGA & Welfare of SCs a sum dah hnem avangin fak a hlawh a. Vawiinah erawh a tak dik tak hmuh turin a awm ta a, budget a dah aiin actual expenditure a hniam zawk a. Hei hi Modi a OPUS strategy of headline management – Over Promise, Under Deliver chu a ni” tiin a sawi bawk.