Congress Thalai-in CM leh
PWD minister ban an phut
Kawngpui tha neih a nih theihnan chief minister leh PWD minister chu bang turin Congress Thalai chuan an phut a. Midang dah an nih hma chuan kalphung tharah beisei tur a awm lo tih an sawi.
Congress Thalai Hqrs. thuchhuak chuan, Nilaini khan Durtlang leh Kawnpui inkar kawng, Vairengte leh Kawnpui inkar kawng dinhmun an enfiah a. Kawng siamtu NHIDCL, Balaji leh Randu Construction hotute nen inkawmin, kawng chhe lutuk leh kawng siam tawhte a that loh em avangin Mizoram mipuiin harsatna namen lo an tawk a. Sawrkarin kawng a vil that tawk loh zia a chiang hle tih an sawi.
Congress Thalai president Laltawnliana chuan chief minister leh PWD minister hian Sairang leh Kawnpui inkar kawng chu NHIDCL enkawl leh Mizoram sawrkar mawhphurhna ni lo anga an sawi ve ve chu dawt hmanga inbumna, NH-06 package 8 (Kawnpui – Khamrang) bik phei chu vawiin thlenga Mizoram PWD enkawl a la ni zawk tih a sawi.
“Chief minister leh ZPM sawrkar hian kawng siamtute a thunun ngam loa, an ngenna leh nawrna pawh engah mah an ngai lo. ZPM sawrkar aiin Mizoram BJP president thar Dr K Beichhua ngenna an ngaipawimawh zawk hian ZPM sawrkarah thil engkim a harsa deuh deuh dawn tih a langchiang hle,” a ti.
Chief minister Lalduhoma leh PWD minister Vanlalhlana ten an nihna midang an ken ngam hunah chauh Mizoram-in kawng tha kan neih a beiseiawm tih Congress Thalai president hian a sawi.
Congress Thalai-in CM lehPWD minister ban an phut
