India Constituenct Assembly khan inhnialna nasa tak neiin chuvang chuan ‘India’ leh ‘Bharat’ tih chu Constitution ah kum 1948 khan pawma bilhtel zui zel a nih phah a.
Constituency Assembly te chuan draft Article 1(1) of the Constitution a “India shall be a Union of States” tih chu an sawiho a ni.
Member \henkhatte chuan ‘India’ tih chu hmanzui zel duhin ram dang te pawhin an hriat dan a nih thu an sawi a.
“History thlir pawhin leh tun hnai thilah pawh India chu hriat dan a ni” tiin B.R. Ambedkar chuan a sawi a.
Ambedkar chuan Article 1(1) ‘Union of India’ tia thlak tumna neih chu a duh lo a ni. Ambedkar chuan ram hming chu ‘India’ a nia UNO member a ni bawk a, India hmingin engkim ziah vek tawh a ni a ti a.
Mahse mi \henkahtte tun hmaa hming a lo put tawh te hman duh an awm a. Member Seth Govind Das chuan ‘Bharat’ tih hman duhin Bharat tia hman chuan hnungtawlh hmel a lan tir lo a ti a.
“Hmalam pana thil thlir ka duh a, he ramah hian scientific invention pawh a awm zel ang a. Kan ram hmign Bharat tia vuah hian eng thil mah hma kan sawnna dal tur a siam dawn tihna a ni lo. Kan history leh culture chawi nun zel nan kan hmang zawk tur a ni” tiin a sawi a.
Chinese khualzin Hiuen-Tsang pawhin he ram hi a lehkhabu-ah ‘Bharat’ tiin a ziak a ni tiin a sawi bawk.
Member tho Shibban Lal Saxena pawhin amendment siam ‘Union of Bharat’ tia thlaka duh tih sawiin hei bakah hian “Devanagari script a Hindi ziak chu Bharat national language ni se” a ti bawk.
Sawihona chu Article 1(1) a ‘Bharat’ tihbelh remtiha tihtawp niin tuna Article hman zui mek zelah pawh ‘India, that is Bharat, shall be a Union of States’ tiha nit a a ni.
Constituency Assembly member \henkhatte chuan Article 1 a ‘States’ tih pawh ‘Pradesh’ tia thlak an duh bawk a.
Mahse chu chu Pandit Nehru chuan dodal thungin, “Pradesh hi thumal sawifiahna awm lo a ni. Tute mahin a awmzia tak tak an hre lo. Thumal \ha tak a ni a, a rei anga pawimawhna pawh a nei zel ang a, chutah chuan Constitution leh thil dangah pawh hman zui theih a ni ang. Tund inhmunah erawh he thumal hman hi kawng tam taka sawifiah theih a nih avangin ‘State’ tih hi a chiangin a fuh zawk a, ram pawn lam mai ni lo, keimahni tan pawh a chiang zawk a ni” tiin a sawi
Constituent Assembly ah ‘Bharat’ sawi
