Lallunghnema
Charity Lodge
Cont: 9862288182
Consumer-te hi right pek an ni a, justice an nei a, freedom pek an ni a, interest ril tak an nei bawk. Rawkna tenawm tak lak ata humhim an mamawh a, Dawrkai, Sumdawng duhâm lakah an him lo fova, zah an kai lova. Anni thil leitu leh hmang tute tel lo chuan ni khat pawh an khawsa thei ngang lo a ni si a. Heti chung chunga ngaih pawimawh an hlawh thin lo hi chu sual hna thawh vangah kan puh lo thei lo a ni. Sawrkar a chak lova mipui leh NGO an tanrual bawk si loh chuan Sumdawng tan ‘paradis’a tih loh theih loh a nih hi. Consumer khawvelah hian Consumer-te hrem hmun a chang lovang tih pawh a sawi theih ta lo! Chuvangin kan harh chhuah a ngai ta a ni! Ka U Hming!
Hmanni lawk April ni 2 khan ka kawnsumar – pui Upa Thangkima Ralte, kum 90 tlin kan lawm a, ka lehkhabu ziah Consumer-te Zalenna chu ka present nghe nghe a ni. A hovin 1998 vel khan Pu K. Zamawia In, Vaivakawna kal khawmin FCS&CA ruahmannain LPGas Connection eng emaw zat chu a mamawh zualte hnenah kan sem a. Khata tang khan kan hotupa nen hian kan inthian tha ta zel a nih hi! Hetiang mi bîk thian neih hi chu kan induh tâwk ve âr a nia!
Tunah chuan kan thupuiah kan lut tawh ang.
The Consumer Protection Act, 2019-ah hian Bung VIII awmin Section 107 a awm a. Consumer-te Dikna leh Chanvo (Rights) humhalh a nih theih nan he Act-ah hian thil pawimawh tak tak chhawp chhuah a ni a. Sawrkar Laipui chuan chu’ng Consumer-te Dikna leh Chanvo vên him a nih theih nan chuan hmanraw chi hrang hrang a din bawk a ni.
Kan hriat tur pawimawh hmasa
ber chu tute nge Consumer chu? tih hi a ni a. Consumer Protection Act 2019 Section 2(7)-ah chuan chiang takin tarlan a ni a. Sap tawngin hetiang hian sawi a ni a –
“Consumer” means any person who –
(1) buys any goods for a consideration which has been paid or promised or partly paid and partly promised, or under any system of deferred payment and includes any user of such goods other than the person who buys such goods for consideration paid or promised or partly paid or partly promised, under any system of deferred payment, when such use is made with the approval of such person, but does not include a person who obtains such goods for resale or for any commercial purpose; or
(ii) hires or avails of any service for a consideration which has been paid or promised or partly paid and partly promised or under any system of deferred payment and includes any beneficiary of such service other than the person who hires or avails of the services for consideration paid or promised or partly paid and partly promised, or under any system of deferred payment, when such services are availed of with the approval of the first mentioned person, but does not include a person who avail of such services for any commercial purpose,” tih a ni a.
Mizo tawngin hetiang hian tawi tein hrilh fiah theih a ni ang. “Thil leitu, tu pawh consumer an ni. Thil hmang tu, tu pawh consumer an ni”. Mahse hralh chhawn tur, sumdawnna atana thil lei tute(khâr chhawng) chu consumer an ni thei lo. A thlâwna dawngtute pawh chutiang tho chuan Consumer an ni thei lo. Mahni intunnunna (self-employment) atana leitute erawh consumer an ni thung.Hetah hian Sawrkar thatzia a lang âwm e.
Tichuan, tunah hian tute nge consumer? tih kan lo hre chiang ta a. “Mi zawng zawng consumer kan ni” tih hian a hrilh fiah tâwk hle a ni. Consumer-te humhalha venhimna lam kan sawi leh ang a.
Consumer Protection Act 2019 Section 2(9)-ah chuan Consumer Right 6 kan hmu bawk a ni. Chu’ngte chu – Sap tawng bawkin-
(i) the right to be protected products or services which are hazardous to life and property.
(ii) the right to be informed about the quality, quantity, potency, purity, standard and price of goods, products or services, as the case may be, so as to protect the consumer against unfair trade practices.
(iii) the right to be assured, wherever possible, access to a variety of goods, products or service at competitive prices,
(iv) the right to be heard and to be assured that consumer’s interests will receive due consideration at appropriate fora.
(V) the right to seek redressal against unfair trade oractice or restrictive trade practices or unscrupulous exploitation of consumers and
(vi) the right to consumer awareness.
Consumer chuan a thil lei leh hman kawngah tanpui a ngai a. Hrilh hriat a, zirtir a mamawh a ni. A Dikna leh a Chanvote chu a hmuh ngei theih nan tanpui a ngai reng thin a ni. Hum him a nih theih nân zualkona tur pawh chhawp chhuahsak mek a ni bawk.
Consumer Protection Act 2019 Chapter II-na Section 3-9 ah te hian Central-ah te, State-ah te leh District-ah te chuan Consumer Protection Council din tur a nih thu tarlan a ni a.
Heng Consumer Protection Council-te bâkah hian Bung IV-na Section 28-72 naah te hian Consumer-te tan Consumer Court dinna tur sawi a ni bawk. He Act-ah hian National, State leh District Consumer Commission-te, President leh Member ruat chungchang te siam a nih thu tarlan a ni bawk a.
Consumer-te vênhim nan Act., Rules, Regulation-te chu a awm a, Consumer Council leh Consumer Commission-te hi hmanraw (mechanism) pawimawh tak an ni. Mediation Cell-te a awm. Hei pawh hi a hranpaa khel (serious study) tham a tling. Mahse, a keng kawhtu leh a hmang tuten an zir loh chuan Dan awmze nei lo, bawlhhlawh bawm lian tak ang chauh a ni ang.
Chuvangin sawrkar hian heng hmanruate hi din mai duh tawk lova hnathawktu a ruat ten an khalh chak a ngai a ni.
Kan thupui pahnihnaah kan kal ang. Mî nute hi chu an huai thin asin !
Mumbai khawpui chhunga chêng vai nu pakhat chuan a Saree neih chhun mawi leh nalh taka a hâk thin chu Puansukna hmun puiah (Laundry Chain) chuan a va suktur ve a. Mahse, he puansaknaah hian a Saree ngainat em em chu an lo tih chhiat sak pek a. He vai nu inthlahrung tak hian a puan mawi tak an tihchhiatsak avanga a lawm loh thu chu a va hrilh a. Mahse, he Insukna neitute hian an lo ti tha duh vak lova. A bei dawn tâwpah chuan Consumer Disputes Redressal Commission hnenah complaint a theh lut ta a.
Consumer Commission chuan he Laundry Chain neitute hi Rs 24,800/-a chawitir hmiah mai a ni. An pawisa chawi hi order chhuah atanga ni 45 chhungin Vai nu hnenah hian an pe tur a ni.
Ka sawi leh thin ang. Consumer-te hian an thil lei leh an hmanaahte hian zah an kai lo hle a. Khawi hmunah pawh hmuhsit an ni thin. Bus-ah te, Taxi-ah te, Maxi Cab ah te leh Market-h te, Dawr-ah te hian tihnawmnah an hlawh fo mai! Mahse, Consumer-te tel lo chuan sumdawnna khawvel hi a kal thei der si lo. Dawrtu awm lo chuan Dawr a awm thei si lo. Sumdawnna pawh a tawp a ngai. Bus chuan chuângtu a mamawh a ni. Passenger awm lo bus chu a ding thin. Airlines Company pawh passenger-te kutah a innghat. Customer nei lo hotel pawh khar hmabâk a ni.