Lallunghnema
Charity Lodge
Cont: 9862288182
Consumer Huang min lo hlutsaktute leh lo chhiartute chibai ka bûk a che u.
Hmanni lawk khan Legal Metrology Enforcement leh Centre For Consumer Education hmalâknate thenkhat- te chu Media-ah tarlan a ni a. Aizawl Bazar puia sa chi hrang hrang bûk enfiah a ni tih kan sawi tawh kha. A ha lamin awmzia a nei turah kan ngai a. Kristian ramah hian Kristiante kan an tlan hat chuan bûk tling lo leh thil tha lo tam tak kan ûm bo theiin a rinawm a ni. Hemi kawngah hian mipui kan anrual a ngai a ni. Sawrkar leh Pawlho hmalâkna hlawhtlinna bul chu mipui tanrualna hi a ni.
Sa chi hrang hrang bâkah chaehmeh, thlai, thei leh bungaw chi hrang hrang tehfung dik lo hian consumerte nun a ti khaw lova, nun a tibuai thin a ni. Hman theih loh, hman ngam loh hralh leh zawrh hi khap a ni tih kan hria a.Kan sawi châm chî! Bungraw leitu tan chhiat derna thlen thei a ni a. Mihring nunnain a tuar thin a ni. Chuvangin thil hralhtute leh leitute hian keimah ni zâwnah theuh mawhphurhna kan nei a. Chu kan mawhphurhna chu dik taka hralh leh man hla taka lo lei hi a ni mai. Heng zawng zawng innghahna chu Consumer Protection Act, Rules, leh Regulation – te a ni a. The Legal Metrology Act, leh The Packaged Commodities Rules hi an pawimawh em em a ni. Heng tihlawhtling tur hian thawktute, pawl leh mipui inthurual a ngai a ni. Thawhhona ha hian engkim hi a siam rem hei a ni. Centre For Consumer Education chuan a theih ang angin hmâ a la hin a, an hruaitute pawhin inthlahdah lova an beih zel a ul dawn a ni.
Consumer-te hnena thuraw leh thuchah ka nei a. Chu chu ka han tarlang teh ang. Hla thu ang deuhvin ka rawn chhawp chhuak e.
Consumer Right hi i tan a ni a,
I tâ a ni bawk.
Huaisen takin midang pawh hrilh rawh.
Dawr – a i kalin hawihhawm takin awm la,
Hawihhawm takin chhuahsan rawh.
Bazar-a i kalin awmdan mawi tilang la,
Hmanhmawh takin thil lei suh.
I neih sum fimkhur takin ak (pai) la,
Fimkhur leh uluk takin phawrh thin ang che.
I thil lei chu a chhia leh kim lo ngai thutak la,
harsatna i tawh loh nân,
Dawrkai nen fel takin indawr thin ang che u.
Thil i lei ngei tih finfiahna Cash Memo
lak theihnghilh suh.
I inven nan i thil lei ni (date) chhinchhiah zel ang che.
I thil lei chu thil fun (packaged) a nih
chuan
A kawr, a kawma thil inziakte chu chhiar hmasa thin ang che.
Printed Price, date of manufacturing, Expiry date, Ingredients – te hi hriat vek tur a ni a,
Pawhlawh takin lei loh tur a ni.
Dawr nghaktu chu ha takin bia la,
Chapo khum hek suh.
hian a siam tum zawk ang che.
Nangni sumdawng dawrkaite u,
In lo chapo palh ang e.
In dawr hmuna lo kal te kha, tha takin lo dawngsawng ang che u.
I inleng pawimawh ber zinga mi an ni tih hre reng ang che.
In hralh tam chuan, in hlawhtling thin asin!
Leitu in neih tlem chuan in hlawhtling lo !
In mangan êm thin kha maw !
Nangni chuan hralh turin dawr in nghak a,
Anni chuan lei lo mahse, an nghei dawn chuang lo.
I thupui ber chu thin nel, zaidam, dawhtheihna lo ni mawlh rawh se.
Customer te chu dawrkai leh
sumdawngte ‘vip’ an ni!
Mahni tan chauhva nun hi mahni
inhremna a ni, an ti.
I awih zawng a ni em? Awih lo mah la,
A dik!
Message tawi tê tê, tun maia ka dawn te hi ka’n pho chhuak lawk teh ang:
Ka nupui tana ka pheikhawk chah chu ‘a dinglam’ (right side) ve ve a lo thleng tlat mai a. A khing dik tak ka hmuh theihna tura min puih chuan ka lawm hle ang. I rintlak,
Mr. X( Hming-thup)
I lehkhabu, Consumer – te Zalenna tih ka chhiar mek a, a ngaihnawmin a bengvarthlak khawp mai.
NRES sum hi kan bank account-ah a lut a, Contribution ( hlawh aia cut, VC a lût ) hi VC – in bank lamah an cut – tir thin.
September ni 17 khan RS 1767 a rawn lut a VC – in Rs 530 an cut. Thil dik lo a awm hran lo.
Mahse, chumi hnu chuan October ni 31 khan VC lamah chuan bank – ah Rs 530 an lo cut tir leh a. NR hlawh hi office lamin an rawn thawn dawn / mek a. ‘Contribution atan cut tur lo lo khawp a lo la chhuak thin an awm avangin kan cut nghal vek a ni,’ tih chu an sawi dan a ni.
Hei, chawlhkar 2 a liam ta a, NR hlawh chu a lo lut chuang lo. Kan bank account a mi, kan phalna tel lova, an khawih hi NR thil a ni a, tiin kan en liam mai a. NR sum hi a luh hmaa lo khawih hi thil dik lo a ni em ? Bank a thawktute leh VC tangrualin sum luh hmaa kan account an lo khawih mai hi Consumer Right a kalh em ?
Irintlak,
Mr X, Chhiahtlang
Ka chhanna : Account neitu phalna la hmasa lova, lo khawihsak hi Dan kalh a nih ka ring. Consumer Protection Act 2019 hian a sawi fak lo nâin Dan bawhchhiatna chu a ni ngei e.
I article hi hmaih lovin ka lo chhiar ve thin a. A bengvarthlakin a va tha thin em!
Ka rilruah ti hian a lo lut ve a. ‘Kohhran tan keini ho hi Consumer kan ni ve mai lo maw?’, tih hi. Kohhran chuan Mosia Levia chi te hnena 10 a pakhat pek tur tih lai kha la chhuakin pe turin min ti a, pek loh chuan Pathian chanpual eisak a ni a, chu chu sual a ni leh a. Chuti a lo nih chuan indirect deuhvin chhandamna kan lei a lo ni reng alawm maw le ! Biak Ina kan pêk 10 a pakhat kha (Sa dawr bula i hmuh Tlangval addict chhan chhuah nen) lo pe ta ila, Pathian hnena pek a ni lo an ti daih mai si a. Isua lah khan mi tê ber chunga ti in ni a ti bawk si a. A eng ber hi nge awih tur ni ?
I rintlak
Mr X (Hmingthup)
(A consumer lutuk lo nain he chanchinbu hi ani hian a lo chhiar thin avangin a message hi ka han tarchhuak ve hrim hrim a ni. An thil sawi hi a pawimawh viau thin !
Kâr lehah kan ti tiho leh ang. Ni tha in tan!