Tamil Nadu Chief Minister M.K. Stalian chuan Centre a BJP sorkar chuan Hindi tawng hmang State mipui tena hneh taka an thlangtling chungin engmah thil tha tihsak a la nei chuang lo tiin a sawi.
“Central sorkar hian non-Hindi speaking States ah te Hindu tawng barhluihin chu chu Hindi tawng hmang mipuite a bumna mai a ni. An tan eng nge thil chhinchhiahtlak tih a neih?” tiin Stalin chuan Chennai a Linguistic Martys’ Day hmannaah a sawi a.
Stalin chuan ‘Hindi-speaking States te chua harsatna namenlo pandemic lenlaiin an tawk a, an chenna khua pan turin transport facility pawh an nei lo va. Kan mittui an titla a nih kha. Kilometre tam tak ke in an kal a, a thente phei chu Relin a chil a nih kha. Corona virus aia hlauhawm zawk a awm a nih chuan BJP sorkar a ni ang. Tunah pawh BJP sorkar chuan mipui rilru lakpen nan Ram temple a hawng a nia” tiin a sawi bawk.
Hindi tawng hmang mipa naupangin video a siam thehdarha ‘temple aiin zirna tha ka thlang rih’ a tih chungchang sawiin Chief Minister chuan BJP sorkar hian mipui tena ‘hriatna leh thiamna an neih an duh lo’ a ti bawk a. “North India mipui te chuan BJP politics an ring tawh lo. Tun Lok Sabha inthlanah pawh northern States ah an chak lovang” tiin Stalin chuan a sawi bawk.
Salem a DMK youth wing conference ah resolution pawm a nih thu sawiin chu chu “BJP, Hindu te hmelma” tia lailan an ni dawn tiin a sawi bawk a. “BJP te hian an him nan sakhuana hmanga inhumhalh an tum a ni. An hlawhchhamna leh an anti-Tamil politics te chu kan lailang ang a, chu chu India humhim nan a ngai” tiin a sawi bawk.
AIADMK leader Edappadi K. Palaniswami chu kap hlak bawkin Stalin chuan Chief Minister hlui chu ‘BJP te puibawm bertu’ leh ‘BJP te anti-people policy thlawptu’ tiin a sawi a. “GST a dodal lo va, chuvang chuan State in financial crisis a tawh phah a. Hindi barhluihah puituah atanga Tamil Nadu mipui ten an hnawl reng a ni” tiin a sawi bawk.
Lok Sabha inthlanna neih turah INDIA bloc in chakna an chang ang a, ‘India hmalam hun a him ang’ tiin a sawi bawk a, India bloc chu federal tak a ni ang a ti bawk.
Coronavirus aiin BJP te hlauhawm zawk ti
