Aizawl Municipal Corporation Ward XIX corporator thlan thar Dr C Malsawmtluangi chu Thawhlehni khan lakluh a ni.
AMC office Thuampuia lakluh inkhawm hi Aizawl mayor Lalrinenga Sailo chuan kaihruaiin, Aizawl district magistrate Er. Lalhriatpuia’n Ward XIX atanga corporator tura thlantlin Dr C Malsawmtluangi hi rinawmna thu tiamtirin corporator atan a lalut.
2023 MLA inthlanpuiah AMC Ward XIX bialtu Baryl Vanneihsangi chu MLA-a thlan a nih avangin a ward a ruak a. State Election Commission ruahman angin kumin June 25 khan he ward-ah hian by-election neih niin, ZPM candidate Dr C Malsawmtluangi hi thlantlin a ni.
Corporator thar lalut
