Excise & Narcotics leh Assam Rifles tangdun chuan June 7 zan khan Lunglei Rahsi Vengah courier hmanga thawn heroin gram 483 chuang leh he thila inhnamhnawiha puh an man.
Thudawn danin, Excise & Narcotics leh 20 AR hian an thudawn bawhzuiin Lungleia Amazon kaltlanga bungraw thawn dahkhawmna hmun (warehouse) chu kar kalta Zirtawpni zan khan an dap a. Amazon QR code lem chuanna bawm (carton) pakhat atangin heroin gram 483.98 an man.
Amazon company bungraw dahkhawmna hmuna thawk C Vanlalnghaka (30) chu man a ni a. Hemi kaihhnawihah tho hian Malsawmkimi (43), Champhai Zotlanga nia sawi man a ni bawk.
June 7 tlai dar 5.00 vel khan Lunglei Police leh VDP Lunglei Chanmari tangdun chuan Civil Hospital Lunglei quarter pakhatah heroin gram 423.44 (hawng 34) an man a. He quarters luahtu Zasanga hi man niin, bungraw dahtu nia a sawi Lalkhumi hi a zin bo nia sawi a ni.
Courier-a thawn heroin man
