Court atangin nuai 25 vel rubo

Aizawl District Court building MINECO-a ND&PS Court chu rawk a ni a, sumfai cheng nuai 25 vel rukchhuah nia hriat a ni.
Thudawn danin, ND&PS Court rawk hun hi hriat mai theih a ni loa; kar kalta Zirtawpni zan, Inrinni zan emaw Pathianni chhun /zan lam emaw a ni vek thei a, Thawhtannia hriat chhuah chauh a ni.
A rawktute hian ND&PS Court-a dah sumfai chu an lak tum ber nia ngaih a ni a, a vaiin cheng nuai 55 vel awm nia sawi a ni. Nuai 25 vel lakchhuah nia hriat a ni a, office bungrua dang an lak leh an khawih hriat a ni lo.
Aizawl District Court building-ah hian a luhna gate-ah duty an awm a, court huamchin hi a hranpaa hungna a awm loh avangin luh theih dan hi a awm nia sawi a ni.
Court building chhung lamah CCTV dah a ni lo a, police tan hnu chhui a harsat phah dawn nia sawi a ni bawk.