Coronavirus pandemic chu Chinese laboratory atanga putchhuak ni ngeia a lan thu US Department of Energy chuan a ngai niin media te chuan an tarlang a, mahse, White House chuan American intelligence te chuan thutlukna an la siam lo a ti thung.
Director of National Intelligence Avril Haine’s office tena classified document an siamah a hmaa virus chhuahna an chiang lo an tih chu an hnawl tiin Wall Street Journal chuan a tarlang a ni.
He classified report chhiar chin te Journal leh The New York Ties in a biak te chuan Covid-19 chhuahna chungchangah agency hrang hrang te ngaihdan leh thlir dan a inang lo tiin tarlan a ni bawk a.
Tuna intelligence report thar berah chuan department te chuan khawvel ram dang natoinal laboratory hrang hrang te bakah advanced biological research te an luhchhuah a ti bawk a.
US Department of Energy te chuan Federal Bureau of Investigation tena pandemic lenga thutlukna an siam ang bawkin mi mkataduai sarih chuangin nunna an chanphahna chhan chu CHinese laboratory atanga putru tiin an sawi a ni.
US intelligence agency pali te chuan Covid chu natural transmission hmanga inkaichhawn an tih laiin agency pahnih te chuan thutlukna an la siam lo tiin Journal chuan a report a.
White House National Security Advisor Jake Sullivan chuan pandemic chungchangah tun thlengin ngaihdan leh thlirdan a la inang lo nuai tiin a sawi a. “Tun thlengin chhanna chiang tak intelligence community te atang pawhin zawhna tin chhanna fiah kan la nei thei lo,” tiin a sawi.
February thla laihawl khan World Health Organization te chuan Covid chhuahna bul an hriatfiah hma chuan an theihna zawng sen huama hma an lak zui zel tur thu leh chhui chianna an kalpui chu an la bansan lo tiin an lo sawi tawh bawk.
Scientific community te chuan pandemic chhuahna hriatfiah chu nakin zela invenna atana thil pawimawh tawpah an ngaih a ni bawk. Hei vang hian UN atang pawhin nawrna a nasa a, mahse, tun thlengin Covid-19 chhuahna bul chu hriatfiah theihin a la awm lo.
A tirah UN team te China-a tirh luh vat tumna chu China-in a remtih loh avangin hun eng emaw chen tihkhawtlaiin a awm tawh bawk a. Scientist thenkhatte chuan Covid-19 chu Wuhan a laboratory atanga putru nia ngaihna pawh nei an awm a, mahse, hei hi finfiah theihin a awm lo zui zel a, China chuan data pawimawh te khawvel hriatah a la phochhuak duh lo zui zel bawk.
Covid-19: China lab atanga put ru ni thei
![](https://theaizawlpost.org/wp-content/uploads/tap_logo-min-large.jpg)