Covid-19 hri a leng tawh lo a, mahse he hri hian khawvel a chen chilh tawh avangin a thawm hriat tur a awm deuh reng. Mizoramah pawh he hri vei hriat thar an la awm zel.
Integrated Disease Surveillance Programme (IDSP) te’n an chhinchhiah danin, Mizoramah kuminah Covid-19 hri vei mi 72 hriatchhuah an ni tawh a, October ni 1-ah mai pawh khan vei thar an la awm.
April leh May-ah khan hri vei an awm lo a, June atangin hri vei hriat thar an awm leh tan. June-ah hian mi pakuain hri an vei a, July-ah mi 10-in, August-ah khan hri vei zat a pung thur, mi 44-in an vei a, September-ah hri vei hriat thar zat hi pathumah a tla thla leh.
Hetia hri vei hriatchhuah an awm deuh reng avang hian hri a leng tihna a ni chuang lo, doctor-te chuan an ti a, hrileng reng reng a reh hnuah pawh a lo awm ngheh tawh avangin a hnuah a vei an awm thin a ni tiin an sawi.
Kumina Covid-19 hri veite hian vanneihthlak takin an natpui em em lo a, thuneitute sawi danin, natna dang vanga enkawl, an awm danah Covid-19 vei an ang e tih avanga endik an ni hlawm. A tam zawk fe hi natna dang vanga damdawi ina enkawl lai an ni tih thu dawn a ni.
Tun hnaia hri vei hriat tharte hi ZMC-a RT-PCR hmanga endik vek an ni a, anmahni enkawltute’n endik ngai an tihte chu ZMC-a endik tura tih an ni thin.
Covid-19 thawm hriat tur la awm deuh reng
