Tun thlaah Mizoramah Covid-19 vei zat a pung mek a, thla tawp lamah pawh hri vei hriat chhuah thar an la awm.
IDSP (Integrated Desease Suveillance Programme) chhinchhiah danin, May ni 28 thleng khan tun thlaah hri vei hriat chhuah hi mi 57 an awm tawh a, nikum kum tluana hriat chhuah aiin an tam zawk.
Kumin hian April-ah khan hri vei zat a pung a, mi 40-in hri an vei tih hriat chhuah a ni. May-ah a aia nasain a pung.
2025-ah khan mi 40-in hri an vei a, chu chu kumin April thlaa hriat chhuah zat chiah a ni.
Nikum September-ah khan hri vei hriat chhuah an awm a, chumi hnuah hri vei an awm loh vang vang hnuah, kuminah March ni 10-ah hriat chhuah an awm leh. March thlaah hian mi pathumin hri an vei tih hriat chhuah a ni a, May ni 28 thleng khan kuminah mi 100-in hri an vei tih hriat chhuah a ni ta.
Kumina hriat chhuah hnuhnun berte hi May ni 26-a mi an ni a, hemi nia result chhuakah hian mi 21 endik niin, an zinga paliin hri an vei a ni.
Kumina hri veite hi vanneihthlak takin ngaihtuahawm an ni lo a, natna dang vanga an inenkawlna lama endika hriat chhuah an ni deuh vek tih thu dawn a ni.
IDSP-in an chhinchhiah dan chuan, Mizoramah sample 19,98,664 endik a ni tawh a, hri vei zat chu 2,39,775 a ni.
Covid-19 vei awm belh
