South Korean court chuan true crime fan police-te hnena a hmelhriat pawh ni ngai lo ‘tihchhin chakna’ avangin a tihlum a tih hnuah dam chhung lung in tang turin a rel.
Kum 23-a upa Jung Yoo-jung chu crime show leh novel atchilh bur niin psychopath test-ah pawh a sang hle niin police-te chuan an sawi.
‘Tualthah chhin chakna’ in a rilru a luah reng hnuah app hmanga English-language teacher hmelhriatin May thla khan a chenna inah a vithlum ta a ni. Kha thil thleng khan South Korea a barakhaih hle nghe nghe a ni.
Prosecutor-te chuan death penalty an ngiat zawk a, death penalty chu misual turu buru berte hrem nan chauha hman a ni.
Jung hi a pu nen chauha cheng thian kawm tam lo a ni a, hna pawh nei lo niin mi thah tur a thla a thla zawng tawh a ni a, online tutoring app chu hmanrua berah a hmang a ni.
Mi 50 chuan be pawpin hmeichhia a thlang tlangpui a, a chenna inah tution pe turin a sawm a ni.
May thla khan high school zirlai naupang nu tia insawiin English lession a mamawh thu sawiin kum 26-a upa Busan khawpuia cheng chu a be pawp ta a ni.
Jung hian tutor chu school uniform nen a va pan a, heng uniform te pawh hi online hmanga a lei vek a ni bawk.
Zirtirtuin a ina a luhtir hnu lawkah a bei zui ta a, tum 100 chuang chemtein a vit a, a thih hnuah pawh a vit zui zel a ni.
Chumi hnuah a mi thah ruang chu chansawmin taxi lain Busan hmar lama hmun reh deuhah a paih ta a ni.
A taxi hman driver-in police te hnena a customer pakhat in thisena inbual suitcase a paih thu a hrilh hnuah manin a awm zui ta a ni.
Police-te chuan Jung online browsing history chu tualthahna lam vek leh engtiangin nge ruang dahthat tur tihlamin a khat an ti a.
Chutihrual chuan a fimkhur lo bawk a, CCTV camera te bum tumna nei lovin a tutor thah chenna in a lut leh chhuak lai tam tak a lang a ni.
June thla khan Jung hian tual a thah ngei thu sawiin mental disorder leh hallucination a nei tia insawiin hremna nep zawk a ngiat a. Mahse, Court chuan hnawl sakin a tualthahna chu fimkhur leh uluk taka ruahman lawk vek a ni an ti thung.
Crime show atchilhtu lakah hremna pe
