Cyclone Dana laka inralrin nan exam hun sawn, rel tlan chawlhtir bawk
Bay of Bengal tuipui chung lam atanga thlivir insiam chu na chho zelin, India Meteorological Department (IMD) chuan ‘Dana’ tia vuah a nih thu an sawi thar leh a, he cyclone dana hian Odhisa leh West Bengal te a nuai na zual dawn hle nia sawiin, October ni 25 hian thlipui na zawk thleng thei a nih thu an sawi.
Cyclone Dana avang hian sangha mantute chu che chhuak rih lo tura hriattirna tichhuakin, an chenna in lama tawmim rih turin an hriattir bawk.
He cyclone hian vawiin atangin hmun thenkhatah chuan ruahtui a thlen tawh rin a ni a, ruahsur nasa lutuk laka inveng turin Odisha sorkar chuan an ramchhung mite hnenah hriattirna tichhuakin, civil services exam an state a an neih hun tur pawh an hun an sawn thu an sawi. October ni 27 a exam ruahmanna an lo siam tawh chu, khaw awmdan a ziaawm chhoh zel theih chuan nisarih hnuah neih a nih zawk tur thu an chhuah a ni.
West Bengal sorkar pawhin rel chuangte him zawk nan Odisha lam pana tlan leh lokal tur relte chu chawl rih tura hriattirna tichhuakin, hei hi ruahsur leh tuilian thleng thei bakah, cyclone dana laka mitinte him theih nana ti an nih thu an sawi.
Cyclone Dana laka inralrin nan exam hun sawn, rel tlan chawlhtir bawk
