Biate-a YMA inkhawmpui lian neihah nimin, October 26 khan kum 2023 atanga 2025 chhunga Central YMA hruaitu (office bearers) thlan an ni a. President-ah vice president ni lai Lalhmachhuana, Lily Veng Chatlang chu vote tla zawng zawng 2651-ah vote 1330 hmu in a tling. Vice president-ah general secretary ni lai Prof. Lalnuntluanga, New Capital Complex thlan tlin a ni a, vote 2575 tlaah vote 1138 hmu in a tling a, vote thi 5 a awm. General secretary ah assistant secretary nilai Prof. Malsawmliana, Vaivakawn chu vote 2407-ah 2214 hmu in a tling a, vote thi 10 a awm. Assistant secretary atan treasurer nilai Fabian Lalfakawma, Chawlhhmun Veng a tling a, vote 1945 tlaah 726 a hmu. Finance secretary ni mek Roneihthanga, Nursery Veng chu treasurer-a thlan a ni a, vote 1788 tlaah 1481 a hmu. Central YMA CEC, Information & Publicity Sub Committee chairman ni lai MS Ralte, Upper Republic chu finance secretary-a thlantlin niin, vote 1823 tla atangin 628 a hmu a ni.
CYMA Hruaitu Thar
