Central YMA chuan Inrinni khan Myanmar ram chhunga Zohnahthlak pawl hrang hrang, Mizorama raltlana awm mekte chu ruihhlo leh raltlan chungchang sawiin a kawm.
Inkhawmnaah hian Mizorama ruihhlo, a bikin heroin tam lutuk leh a tih rem dan tur sawi ho a ni a. Myanmar lama Chin unau pawl hrang hrang nen ruihhlo lo lut thin chu a reh theihna’n theihtawpa tan ho nise, pawl hrang hrang zingah ruihhloa inhnamhnawih an awm chuan tihtawp nise, an ti. Chin Hills-a pawl thenkhatte nen ruihhlo chungchang hi la sawiho leh tum a ni bawk.
Mizorama Myanmar raltlan awmte chungchang sawi a ni a. Ram leh khawtlang dan tha taka zawm tur leh harsatna siam lo zawnga awm turin an inchah. Hemi chungchangah hian thuchhuah siam nise an ti.
Inkawmhonaah hian Myanmar lama Zohnahthlak unau pawl hrang hrangte inpumkhatna chungchang sawiho niin, inremna leh inpumkhatna a awm zel theihna’n theihtawp chhuah turin Central YMA hruaitute chuan an ngen a ni.
CYMA-in Myanmar raltlan pawl hrang hrang a kawm
