Kolkata-a kal Central YMA president Lalhmachhuana chuan raltlan kaihhnawiha foreign aid dawn theih dan turah US Consulate hotute a kawm bakah Mizo damlote tana awlsamna ngaihtuahin AMRI leh Apollo Hospital hotute a kawm bawk.
Kolkata US consul general leh consul political incharge dangte nen an inkawmnaah Burma atanga raltlante puihna atana foreign aid hmuh theih dan tur sawiin, India sawrkarin a zawng zawnga a tuamhlawm theih loh dan leh Mizoram sawrkar tan sum harsatna avanga chhawmdawl a har dan a sawipui a. US sawrkarin hma a lo lak tawh thin dan lo hrilhin, Foreign Contribution Regulation Act hman leh thuai a tul tih sawi a ni
Relief camp-a hma la turin India sawrkar a inhawn loh chuan, tanpui theitu pawl tan pawh chet a har dan te US consul hotute hian an sawi bawk.
Central YMA president hian Kolkata Mizoram House-a damlo inenkawl mekte leh hospital lama inenkawlte tlawhkualin an harsatna a zawt a. AMRI leh Apollo Hospital hotute kawmin, Mizo damlote ngaihsak a, awlsam zawka inentir theih dan tur a sawipui. Apollo Hospital hotute chuan May hian Aizawl lokal an tum thu an lo hrilh a ni.
CYMA president-in kawm
