D League leh Womens League Screening Chhunzawm Zel
Mizoram Basketball Asociation (MBBA) chuan 2025-2026 season chhunga a tournament buatsaih pasarihna D League leh Womens League screening tournament chu Hawla Indoor Stadium, Republic Vengthlangah khelh chhunzawm zel a ni.
Inelna tan zan hian Womens League match 1 a awm a, Mission Veng Hotshots lamin awlsam taka hnehna an chang dawna a lan zet tawh hnuah Team Alpha lamin an lehthal teuh hle a, a tawpa an inthlauna chu point 5!
He inkhelah hian Hotshots tan Naom-i, Chhami, Bzi, Ramengi leh Saii te ho hma ah player tawnhriat ngah Team Alpha players – Puii leh Emilia te hovin an nau te an chakpui zo lo va, insiam that an mamawh. Hotshots hian 38 – 43 in Alpha lakah hnehna an chang a ni.
D League kheltu mipa lam pawhin january ni 21 khan an khel chhunzawm ve nghal a, match hmasa berah team thawm lian lo Nursery in hnehna an chang nghal; Mizoram Super League vawi 12-na khelh tuma inelna hmachhawn an ni bawk a, hnam dang players chawlut club pasarih an awm a, Champhai Vengthlang erawhin Mizo hlangin an khel thung.
Hoops Mania Time Out
1. Fixture leh match schedule mil hian team lam uluk takin an lo inbuatsaih thin a, technical problem avanga harsatna te hi chu tu te tan pawh a hriatthiamawm a; chutih rualin, match timing darkar 2 dawn lawih maia tawlh hnung ta dawrh mai D League match (Day 1) ah a awm – hetiang thil hi inthlahdah vang nge, harsatna pawmawm tak dang vang tih hi enfel a, chinfel ran chi a ni! Tualchhung basketball buaipuitu lam an tan kawh viau laiin, mi pahnih khat avanga inelna a chhangchhe thei a, hetiang thilah hian MBBA lam hi a thikthu a chhiat a tul takzet!
2. Zemabawk BC (MSL Club) in mo an nei a, an club official Lalruatpuia Hnamte chuan Vanlalchhanchhuahi (Nutei)chu nimin khan ‘tiam tlat e’ a tihpui – The Aizawl Post Hoops Mania chuan kan lawmpui e.
Hnam dang players leh an khelhna club:
1. Chawnpui BC – Anmol (Madhya Pradesh)
2. Chaltlang BC – Ifenne Adaewa (Nigeria)
Naveen Mishra (Punjab)
3. Champhai Boars – Kushagra Ra
(Bihar)
4. Champhai VT – Nil
5. Electric BC – Karan Deep singh (Punjab)
Dupri Dendmon (Michigan, USA)
6. Nursery SC – Jamarcus Devon Clark (USA)
7. OPD Venghlui – Rakesh Kumar Sharma (Himachal Pradesh)
8. Vanguard BC – Vimlesh Kumar Yadav (Jamshedpuy)
Rohan Roy
(West Bengal)
Match results – January ni 21
1. Champhai VT 55 – 75 Nursery SC
2. Electric BC 85 – 95 Chawnpui BC
3. OPD Venghlui 62 – 76 Chaltlang BC
4. Vanguard BC 90 – 53 Champhai Boars
Match results – January ni 22
1. Champhai Boars 62-74 Electric BC
2. Vanguard BC 74-51Champhai VT
3. Nursery SC 62-73 Chaltlang BC
4. Chawnpui BC 88-95 OPD Venghlui
Vawiina inkhel tur:
1. Chaltlang BC Vs Vanguard BC (9 am)
2. OPD Venghlui Vs Nursery SC (10:30 am)
3. Chawnpui BC Vs Champhai Boars (12 noon)
4. Electric BC Vs Champhai VT (2 pm)