Mipa tan regular taka damdawi ei deuh mawlh mawlh reng hian nupa nun hmanna lamah harsatna a thlen thei niin mithiam ten an sawi.
California Men’s Health Study-in a tarlan danin California chhimlama mipa, nitin damdawi ei thin 37,712-ah survey neiin, chung zinga nitin damdawi chi hrang pathum leh a aia tam ei thin te chuan nupa nun hman dawnah harsatna (severe erectile dysfunction, ED) neih theihna risk 29% in an nei sang zawk niin an sawi.
He zirchiannaah hian mipa kum 46 leh 69 inkar, mi 37,712 te chu pharmacy record atangin an damdawi ei dan te lakkhawm a ni.
Damdawi ei bakah ED hi kum upat vang te, body mass index sang vang te, diabetes, high cholesterol, hypertension, depression leh meizuk vang te pawhin a awm thei niin an sawi bawk.
`Damdawi rau rauah pawh ED thlen awlsam thei deuh te chu anti-psychotic leh anti-depressant te leh testosterone tibuai chi damdawi dang te niin mithiam te chuan an sawi bawk a ni.
Zirchianna neitu te chuan khawvel puma ED vangin mipa te an buai hle niin an sawi a, tunhma lama zirchianna an lo neih tawhah pawh, khawvela mipa kum 60 chunglam 35% te chuan ED problem hi an nei niin an lo sawi tawh a ni.
He zirchianna chungchang hi British Journal of Urology International-ah tihchhuah a ni.
Damdawi ei nasat lutukin bedroom performance tichhe thei
