Every Infant Matters New Delhi atanga a thlawna damdawi an dawn chu Nilaini khan Lawngtlai addl. DC Abraham Beirazi Khithie chuan District Hospital Lawngtlai hotute hnenah a hlan.
NGO – Every Infant Matters hian corporate social responsibility atangin rulhuthlo leh Vitamin ‘A’ chu Lawngtlai district tan a pe a, hei hi district administration-in a zuk ngen anga a rawn thawn a ni. Addl DC hian District Hospital senior SMO Dr S Thaizi hnenah damdawi hi hlanin, NGO atanga a thlawna an district mamawh zinga pawimawh an dawng chu lawmawm a tih thu a sawi a. Heng damdawi an dawn theih nana hma latu New Delhi Mizoram House OSD James Miahlung inpekna chhuanawm a tih thu a sawi.
Senior SMO chuan an damdawi dawn, Vitamin ‘A’ chu naupang kum 5 hnuailam bikah kum 5 an tlin thlengin tum 9 pek thin an ni tih a sawi a. Rulhut hlo chu naupai, an naupai thla thum tling tawhte pawh an pek thin bakah naupang hnenah kumkhatah vawihnih an pek thin thu a sawi a ni.
Damdawi in hnenah damdawi hlan
