Damdawi in tha tehnaah
Mizoram atangin 5 lang
India rama sawrkar damdawi in tha bik tehnaah Mizorama damdawi in panga a lang.
National Health Mission mission director Dr Lily Chhakchhuak sawi danin, India rama sawrkar damdawi in tha bik tehna, National Quality Assurance Standards (NQAS) ah State Referral Hospital Falkawn (Aizawl West District Hospital /ZMC&H) a tling thar a, a tehnaah 92.89% a hmu.
Hospital pumpui anga NQAS certification a hmuh bakah nau neihna hmun tha bik tehna (LaQshya) ah platinum certificate hmu in, Maternity OT bikah 98.26% a hmu a, Labour Room-ah 92.88% hmu in, naupang enkawlna hmun tha bik tehna, MusQan certificate pawh hmu telin 92.80% a score a ni.
Hei baka primary health centre zinga NQAS certificate hmu tharte point score dan chu – Chhipphir PHC (92.48%), Phuldungsei PHC (91.27%), West Phaileng PHC (89.47%) leh Bilkhawthlir PHC (94.94%) a ni.
Heti hian Mizorama sawrkar damdawi in 19 chu NQAS national certificate nei tawh an ni a. Tunah hian sawrkar damdawi in 24 dangin state level certificate nei tawhin national certificate an dil mek a ni.
Health & Family Welfare minister Lalrinpuii chuan, India rama damdawi in tha bik thlan chhuah zingah Mizorama damdawi in an awm belh zel chu mellung pawimawh tak a ni tih a sawi a. Damdawi in, district leh state-a thawktute thawhrimna leh taimakna chhuanawm a tih thu sawiin, heng tehna hi sawrkar damdawi in pantu damlote chu a chhawr tangkai bertu tur an ni tih a sawi.
Damdawi in tha tehnaah Mizoram atangin 5 lang
