2-Dampa(ST) Assembly constituency by election-a hman atan electoral roll tharah voter 20790 an awm a, draft roll aiin vote nei thar 385-in an pung.
Dampa bial final electoral roll hi Thawhlehni khan district election officer Mamit, bawrhsap K Laltlawmlova chuan a tlangzarh a. Vote nei zawng zawng mipa 10605 leh hmeichhia 10185 an vaiin 20790 an ni. Kumin September 16-a draft electoral roll tihchhuah khan vote nei mipa 10425 leh hmeichhia 9980, a vaiin voter 20405 an awm a; MLA inthlan hnuhnung bera vote nei aiin 47-in an pung sa tawh bawk a ni.
Dampa bialah hian polling station 41 a awm a, chawhrualin polling station pakhatah elector 507 zel awm ang an ni. Voter tlemna ber chu Zopui Polling Station niin 30 an awm a, voter tamna ber chu Silsury-I Polling Station a ni a, 1103 an awm. Service voter 115 an awm a ni.
Dampa bialah voter 20790 awm
