Legal Metrology Enforcement Squad chuan Siaha khawpui chhunga in sakna bungrua – iron rod zuarte hralh dan an enfiahnaah electronic weighing scale kawl reng si, hmang loa customer hnena hralh, iron rod zuar pahnih an man.
Department-in electronic weighing scale hman vek tawh tura thu a chhuah tawh anga dawr tin deuhthawah hman theiha an kawl vek chu lawmawm an tih thu an sawi rualin, electronic weighing scale kawl reng si, hmang loa customer hnena hralh chu Legal Metrology Act & Rules hmangin hremna pek an ni dawn tih an sawi.
Tuna iron rod zuar an mante hian an customer te – Tisi khua ami leh Kaisie khua amite chu buk loh leh buk tlingloin rate tlawm zawkin an lo leitir lai chu va nang chingin man an ni tih Legal Metrology staff-te hian an sawi.
Iron rod leitu pahnih hi Legal Metrology staff-te awmlai ngeiin a buk tlingin pek tir leh vek an ni a. Rod zuar thenkhatten buk tlingloin man tlawm zawka hralh turin rod an zuar thin a, a bum theih theih chu bum an hreh lo hle tih sawiin, mipui chu rate tlawm, buk tling silo ai chuan rate pangngai buk tling lei a hlawk zawk tih hre thar turin an chah.
Dan ang loa rod hralhtu man
![](https://theaizawlpost.org/wp-content/uploads/Clipboard01-1968.jpg)