Dan anga sumdawn intiam dawr 74 CYMA-in hawntir

Hnamdang thurualpui tawh loa dan anga sumdawn intiam Aizawla dawr 74 chu khar sak tum an nih hnu ah Central YMA chuan inhawn a remtih sak.
Aizawl khawpui chhunga Mizo dawr – iron rod, cement, balu leh brick zawrhna, Benami Transaction (Prohibition) Act 2016 tlawhchhana Mizo dawr, dan loa hnamdang mite thurualpui nia hriat, Central YMA-in khar tura a ngente leh dan anga an kalpui ngei tawh tur thu an intiam avanga hawntir leh tak chu dawr 74 a ni a; dan angin an kalpui zui leh zui loh chu an awmna YMA Branch-te nen an vil zui zel dawn tih Central YMA hian a sawi.
‘Hnamdangte nen dan loa inzawmna nei nia hriatte chungchanga Central YMA hmalakna hi ram leh hnam tana thil pawimawh tak a ni tih hria a, thlawp tlattu Mizo mipui chungah lawmthu kan sawi a. Sumdawnna dang pawh Mizoten dan dik taka an sumdawnna kalpui theuh turin kan ngen a ni,’ Central YMA thuchhuak chuan a ti.