Aizawl leh a dai hnai deuha Enforcement staff-ten thla ruk kalta chhunga dan zawm loa lirthei khalhtu an mante sum chawi tlingkhawm chu cheng nuai 62 chuang a ni.
District Transport Office Aizawl hnuaia Enforcement staff-te hian Motor Vehicle Act leh lirthei kaihhnawih dan bawhchhiatna hrang hrang avanga lirthei leh a khalhtu an man, kumin April atanga September inkara sum an chawitir tlingkhawm chu Rs. 62,52,500 a ni a. A vai hian sawrkar sumbawmah a lut a ni.
Kumin September bikah dan bawhchhia lirthei an man zat hi 185 a ni a, e-challan hmanga dan bawhchhia sum chawitir mi 14 awmin, lirthei an man atanga sum an chawitir hi a vaiin Rs. 820,500 a ni.
Enforcement hotute chuan lirthei document ti fel lo tan 2023 December 31 thleng late fee ngaihdam hun pawhsei a ni tih an sawi a. Hemi chhunga tifel turin tihfel ngai neite an ngen. Lirthei fitness leh fitness certificate ngaipawimawh turin an ngen bawk.
Dan bawhchhiate thla 6 chhung sum chawi nuai 62
