lhin minister rank adviser to chief minister 5 a dah tih People’s Conference party chuan an sawi a. Ban an nih theih nana hma la turin Mizoram larsap bakah ZPM party-a Val Upa Council hnenah ziakin an thlen.
PC president Vanlalruata sawi danin, kum 2003-a India danpui siamthat avangin Mizoramin minister 12 aia tam lo chauh kan nei thei tawh a. Sawrkar laipui leh India ram state dang ang thoin, dan siamthat a nih hma chuan minister kan nei nual thin. State kan nih hnuah 1987 term-ah minister 11 neiin, 1989, 1993 leh 1998 term-ah minister 15 kan nei a. Heng hi hun laklawhah tihdanglam niin, kan neih tam lai ber chuan 17 kan nei, tih a sawi.
Minister ngah chu tul loa mipui sum khawhralna nia India sawrkarin a ngaih avangin kum 2003 khan minister awm thei zat a bituk a; tuna adviser to CM panga kan neih avanga mipui sum senral belh tur hi cheng nuai 845 chuang nia chhut niin, tun term hi an hmang tluan a nih chuan hei aia tam fe hi sen a ni dawn tih a sawi a ni.
“Heti zat mipui sum khawhral thlawnna tur, danpui kalh ni bawk hi tihtawp nghal a tul avangin larsap leh ZPM VUC hnenah thu kan thlen ta a ni,” Vanlalruata hian a ti.
State thenkhatah minister tlukpui parliamentary secretary neihna a awm a, an state High Court-ten dah kalh a ni, tiin an tihtawp tir hlawm a; Mizoramah pawh parliamentary secretary hi kan lo nei ve tawh a, Supreme Court ruling awm hnu ah tihtawp a ni ve leh tih PC hruaitu hian a sawi a. Tun sawrkarah leh sawrkar liamtaah nihna sang neuh neuh inruatchawp awm mah se, heng thiah tir tura dan tlawhchhan tha a awm loh avangin hengte hi chu an sawi tel loa, adviser to CM bik erawh ‘portfolio’ nei, office leh staff bakah allowance dawn theih ang dawng ve vek an nih avangin, dan tlawhchhan hmangin dan bawhchhiatna a ni tih a sawi a ni.
Dan kalha CM adviser dah thu Larsap leh VUC hnenah thlen
