Import & Export Code Holder Association chuan nimin khan thuchhuah siamin, dan lova bungraw lak luh (Illegal entry) tha an tih loh thu leh, mi harsa zawk ten bungrua man to uchuak an lei thinna a nih avangin sorkar leh Custom Dept. ten tihtawp dan ngaihtuah se tha an tih thu an tarlang.
IECHA chuan Mizoram hi International Boundary (Myanmar, Bangladeshi)- a awm kan nih avangin sumdawng mite tan hamthatna kawng zau tak a awm a ni, an ti a. Keini IEC te chuan dan ang thlapa (Custom Duty te nen inthurualin) bungraw lak luh leh thawn chhuah dan kawng zawn tha kan ti, an ti bawk.
Ram dang bungrua a lo luh (Gate of entry) Custom Dept. Duty fel fai taka a awm hi tha tih thu te, Mizoram hmun laili rem chang apianga Custom Check Gate awm tha an tih loh thu leh, hei hi a r^ng thei ang bera tih tawp a nih theih nan state sawrkarin hma la se an duh thu an sawi a. Mizoram chhungah ram pawn lam mi (Non Mizo, foreigner) te hi state sawrkarin sumdawnna an khawih theih chin tichiang se tha an tih thu sawi bawkin, Import Export Licence nei member-ten bungrua lakluh leh thawnchhuah chungchangah harsatna an neih chuan tanpui an inpeih reng tih thuchhuahah chuan an tarlang bawk a ni.
Dan lova bungraw lakluh tihtawp duh
