Maharashtra police te chuan dan lova ram thenawm Bangladesh atanga lo lut mi panga an man thu sawiin, thubuai an siamsak thu thawhlehni khan an sawi.
Heng an mi mante hi Arshad Rahamatullah Gazi (52), Ali Mohammad Dinmohammad Mandal (56), Miraj Saheb Mandal (19), Sajad Kadir Mandal (45) leh Saheb Panchanan Sardar (45) te an nih thu sawiin, an hnen atang hian India leilung rah theihna document rintlak engmah an hmuh loh thu an sawi a, India rama hnathawk turin dan dik lo in tuipui atanga an lokal thu an sawi. Tin, hetianga tuipui kawng atanga lokal hi tam tak an awm thin thu sawi bawkin, ngawrh zawka dapchhuah hna an thawh mek thu an sawi bawk a ni.
Thawhtanni khan Foreigners Act, 1946 leh Passport (Entry into India) Act, 1950 hmanga an lakah thubuai an ziahluh thu sawiin, anti-human trafficking cell (AHTC) ah an dah rih vek thu an sawi bawk.
Dan lova India a lut Bangladeshi panga man
