India sipaite chuan nimin khan dan lova India leilung rawn rap Pakistan sipai an man thu an sawi a, Mendhar sector, Poonch district ah he sipai hi an man thu sawiin, LoC kan a dan lova lo lut ngei a nih thu an sawi a ni.
He an mi man hnen atang hian Pakistan pawisa cheng 1800 bakah, a ID card leh simcard pahnih an man sak a, an endikna atangin dan lova lo lut leh Pakistan sipai service nei lai ngei a nih thu sawiin, LoC kan a dan lova India leilung a rah chhan erawh a la hriat theih loh niin an sawi.
BSF te pawhin kartawp khan ramri hi khauh lehzual a vengin, hmun hrehawm deuh lai pawh kalchilha an ven nasat thu an sawi a, heng an endikna atang hian AK 47 silai, pistol pahnih leh a mu bakah ralthuam dang neuh neuh an man thu an sawi a, ramri venhim hna uluk lehzuala an kalpui reng thu an sawi bawk.
Dan lova ramri pel Pakistan mi man
