India sawrkarin Indian Penal Code, CrPC (Criminal Procedure Code) leh Indian Evidence Act thlak danglam a tum chungchangah Zirtawpni khan Mizoram sawrkar chuan inrawnkhawm a huaihawt.
Thutkhawma sawi danin, kumin August 28 khan Parliamentary Standing Committee on Home Affairs chuan lehkhain state sawrkar-te ngaihdan leh thurawn a zawt kual a. Hemi ang hian Law & Judicial minister TJ Lalnuntluanga hoin inrawnkhawm leh sawiho a ni. Kalkhawmte chuan ngaihdan hrang hrang an neihte sawiin, ‘2023 September 11 aia tlai loah rawtna leh ngaihdan awmte thehlut tura tih chu, sawrkar pawmpuina laka thehluh ngei tum a ni a. Comment theih hun pawh dil belh nise’ tiin thutlukna an siam.
Inrawnkhawmnaah hian Law & Judicial leh Home official-te, DGP, Excise & Narcotics Department, Mizoram Judicial Service Association, Mizoram Bar Association, Mizoram Law College, Central YMA leh MZP aiawhte an tel.
Dan thlak danglam tumnaah inrawn
