Darkar 12 chhungin naupang rukbo chhanchhuak
Mipa naupang kum li mi chu Osmania General Hospital atangin thawhtanni thimhlim khan rukbo a ni a, police te chuan report an dawn hnu darkar 12 chhungin an chhanchhuah leh hman thu an sawi.
Mipa naupang hi a pa nen damdawi inah hian an infiam a, a pa hmuh loh hlana a awm zawk laia rukbo a nih thu sawi niin, police te chuan rubotu hi nitina inhlawhfa chawp ve mai mai Shaik Rafeeq a nih thu leh an man nghal thu an sawi a. Hnuchhui nan hian km 20 bial chhunga cctv 100 chuang an hman tangkai thu an sawi bawk.
Naupang an chhanchhuah hnu hian a nu leh pate hnenah him dam taka an hlan leh nghal thu deputy commissioner of police (DCP) B. Balaswamy, Hyderabad East Zone bialtu chuan a sawi a, Dabeerpura rel station-ah an chhanchhuah hman thu a sawi tel bawk.
Rubotu hi DCP Balaswamy sawi danin, kum reivak lo liamta atanga an chhungkuaa a pawikhawihna bial chhunga pem lut an nih thu sawiin, nitin a rem rem thawka inhlawhfa ve mai thin a nih thu sawiin, a rukbo chhan tak leh engtia tih zel nge a lo tum erawh DCP hian a sawichhuahsak lo thung.
Darkar 12 chhungin naupang rukbo chhanchhuak
