Thui tak tak tlan thin, Japanese hmeichhe ultramarathoner, nu fit zet mai Miho Nakata chuan darkar 24 chhungin km 270.363 a thui a tlan hman a, Guinness World Record, hmeichhe zinga darkar 24 chhunga tlan thui thei ber record a siam.
Miho Nakata hian 14th IAU 24 out World Championship-ah darkar 24 chhungin km 270.363 hi tlan thleng hmanin record thar a siam a. Hetiang record hi 2002 khan Edit Berces chuan km 155.4 a thui tlanin record a siam a, chumi nuah Mami Kudo (Japan), Patrycja Bereznowska (Poland) leh Cameille Herron (USA) ten record an rawn siam ve leh a, tuna hian Miho Nakata hian record a rawn siam ve leh ta a ni.
Nakata chuan, “Elementary leh middle school velah chuan basketball ka khel thin a. Track and field club-ah chuan hig school-ah ka tel ve tan chauh a, chutah pawh ka titha vak lo. University-ah thla hnih vel track & field ka ti ve leh a, ka duhtawk san leh ta mai a. Pawl lian vak lo pakhatin Okinawa-ah km 200 tlan event an buatsaih a, chutah chuan ka intat lut ve,” tiin chuta tang chuan ultramarathon a tuipui ve ta a ni.
Zing thawh harsat chi a ni ve a, chuvangin training pawh zanlamah a nei zawk thin a, thla khata km 600 tlan hman te a tum thin a, chutiang tur chuan weekend-ah km 50 vel te a tlan thin.
14th IAU 24 out World Championship-ah hian Nakata hi darkar 2-3 vel hnuah chuan hahdam takin a hmasalam group-ah a tlan tawh a, darkar 12 vel hnuah chuan athlete 20 chuangin an chawlhsan tawh a, Nakata chu a tlan chak dan ngai renga tlanin, a tawp lam atan a tha a khek a. Darkar 4 vel tlan an la hmabak tihah Nakata hian a inelpui te lakah km 14 velin hma a hruai tawh a ni.
Nakata chuan, “Minute 20 vel chauh a awm tawh tihah ka coach-in lap khat ka tlan leh hman chuan record ka siam theih thu min hrilh a, tichuan theihtawp ka chhuah ta a ni. Record pawh ka siam hram chauh a ni e, record hmasa pawh metre 200 vel chauhin ka khum,” a ti.
Darkar 24 chhunga km 270 tlanin record siam
